Minsan may isang Tanga

Minsan may isang umasa
Naniwala
Na sa bawat sulyap
Bawat tingin
May ibig sabihin.

Sa mga oras na kausap siya
Pinangarap
Ang makasama siya sa byahe
Pauwi
Sa bahay,
Sa tahanang bubuuin…

Sa alapaap.
Sa kawalan.
Wala.
Naglaho, gumuho…

Ang noon sanay magandang pagkakaibigan biglang naglaho, gumuho.

Ang mga larawang ipininta sa isipan… naglaho, gumuho..

Ang mga pangakong hindi napanindigan,
Di nabitawan.. di nasabi,

Di naipadama.

Kasi nga,
Minsan,
Kahit ilang medalya, tropeyo, kampyonato, ang iyong mapanalunan,
Di maiiwasan,
Sa pagmamahal,
Minsan, may isang tanga.

Advertisements