Inom Inom din

Kahapon, Linggo Lingo  Sunday. Tuloy ang duty sa Emergency Room. Sa inaasahang pagkakataon (at inaasam), apat lang ang pasyente ng pumasok ako ng alas dos ng hapon. 2-10pm shift ako. Pagtawag sa mga wards, vacant daw apat.

Wow! Ito na kaya ang time na for the first time ay magiging census zero kami? 

That until sunod sunod na dumating ang mga ambulansya mula sa iba’t ibang lungsod. tsk. Parang caravan lang. At ang bottomline ng mga kaso nila, may kinalaman sa pag-inom. 

Alcoholic intoxication. Sinong magsasabing hindi nakakamatay ang paglalasing? Aba! Sa apat na dinala sa ER dahil sa kalasingan, dalawa na ang namatay. Linggong-linggo, nagpakalasing ang mga lasenggo. Inatake sa puso. tsk. Sa isip ko, alcohol lang nga kaya ang nainom ng mga to? or may iba pa? hmmmmm. 

Chemical Ingestion. Uminom si tatay ng Omega pain killer. Tinangkang magpakamatay. Nakaupo lang sa stretcher, hindi mapakali. Sabi pa nga ng charge nurse namin ng pabiro: Tay, ba’t mo ininom to? Hindi naman ito nakakamatay. Tumawa pa nga ang asawa nya sa biro. Sa isip ko, ang untherapeutic naman netong charge nurse namin. Ang simpleng biro, naging awkward ng biglang mag seizure si tatay at nag-arrest. Hindi na narevive. Hindi nakakamatay huh? Pinatunayan ng Omega na hindi lang siya pain killer, killer din siya. 

Hypokalemic paralysis. Salungat sa mga nauna, ito naman ang mga kulang sa inom. Kayod ng kayod, nakabilad sa araw, sobra sa overtime, pawis ng pawis, hanggang sa kumonti ang potassium sa katawan at bumigay ang mga muscles. May I remind you na muscle din ang heart. Ayun, oras lang ang bibilangin at dapat mabigyan ng lunas. Mga tatlong tao din yata ang ganito ang kaso. Inom inom din mga tsong. Ng tubig ha. Rehydrate this summer.

In the end, nakapag-admit kami ng sampung pasyente. Namatayan ng apat, nakahatid sa mga wards ng apat. 

 

Mission census zero: failed. 

__________________

Graduation na din nga pala ng mga Post Graduate Interns (PGIs) (mga doctors in training) ngayon. Congrats sa mga di malilimutang adventures with them. Magaganda na, mabait pa.  Parang barkada lang. Sana ay ganun pa rin sila kahit MD na. 

__________________

Balik duty na bukas. Huling araw sa Internal Medicine cubicle. Huling araw sa 2-10 shift. 

Coming this May: Night shifts at General Surgery / OB-Gyne cubicle. Good luck sa eyebags!

Advertisements